आज मी दत्तगुरु पाहिले.

       *!! श्री गुरुदेव दत्त!!*

       माझे पुण्य फळा आले..

           आज मी दत्तगुरु पाहिले !! धृ !!

       शंख चक्र करि विराजित ते ..

          पद्म कमंडलू हाती शोभते ..

             भस्माकीत तनु गोजिरवाणी..

                यातीवेशे सजले !! १ !!

       गळा माळ ती हाती झोळी ..

          मुखकमलाची दिव्य झळाळी..!

             स्वर्गसुखाची भेट आज ही..

                धन्य जीवन झाले !! २ !!

       दिनांचा गुरुराज दयाळु..

          भक्तासाठी होत कृपाळू..!

             जटाधारी परब्रम्ह सावळे..

                 पाहुनी मन धाले!! ३ !!

     

      माझे पुण्य फळा आले..

           आज मी दत्तगुरु पाहिले..