सुकलेल्या मेथीचे पराठे पौष्टीक विकासाचे

 *सुकलेल्या मेथीचे पराठे पौष्टीक विकासाचे*

Lockdown मधील सुकलेल्या मेथीचे पराठे :-

आज आदर्श पुरुषांना सलाम .

हो हो आज गृहिणींना नाही तर आदर्श पुरुषांनाच प्रणाम .

 "असं म्हणतात Lockdown न खुप काही शिकवलं .

नात्यात एकमेकांशी संवाद साधायल शिकवलं .

कोणाला आईची तर कोणाला ताईची तर कोणाला बायकोची घरात मदत करायला शिकवलं .

घर - स्वयंपाक घर हे केवळ गृहिणींचीच जबाबदारी नाही हे शिकवलं .

काहींना तर नवं नविन पदार्थ करायला न लाजता शिकवलं ."

हे मागच्या वर्षी झालं . आता काय परत तेच झालं .

दोन दिवसांपूर्वी दोन दिवसांच lockdown लागलं .

गृहिणींच काय त्यांना जाणीव आणि काळजी असते . काय आहे काय लागणार आहे त्याची .

पुरुषांच काय सदैव त्याचाच निष्काळजीपणा त्यांना भोवतो .

अन् तेच झालं माझ्या सोबत .

बाहेर Lockdown कडक अन् घरात एक टोमॅटो आणि सुकलेली मेथी . मी एकटा आणि हे दोघेच आणि वेळ दोन दिवस .

एक दिवस टमाट्याचे वरण पुरवलं .

आता मात्र 'त्या' सुकलेल्या मेथीचं काय कसं बरं करावं .

त्या साठीच " *सुकलेल्या मेथीचे पराठे पौष्टीक विकासाचे* ".

*सुकलेल्या मेथीचे पराठे पौष्टीक विकासाचे*

साहित्य :- निवडलेली मेथीची भाजी

       ज्वारी चे पीठ :- १ वाटी

      बेसन पीठ :- १/२ अर्धी वाटी

       गव्हाची कणीक :-४वाट्या (किंवा कणीक मळूस्तर)

     जिरं , ओवा , तिखट , मीठ चवीनुसार

कृती:- प्रथम सुकलेली मेथी अर्धा तास आधीच पाण्यात भिजत घालून ठेवावी . असं केल्याने सुकलेली मेथी ताजी टवटवीत होईल . 

       नंतर ती मेथी पाण्यातून काढून मिक्सरमध्ये वाटून घ्या .

      कणीक , ज्वारी चे पीठ , बेसन एकत्र करून घ्या .

      नंतर त्यात वाटलेली मेथी घालून ती मळून घ्या .

      नंतर त्यात धनेपूड , ओवा तिखट मीठ चवीनुसार घालून ती कणीक तिंबवुन घ्या .

    नंतर लाटून तव्यावर तेल किंवा तूप घालून तो पराठा भाजून घ्या .

      आता तयार झाले तुमचे *सुकलेल्या मेथीचे पराठे पौष्टीक विकासाचे* .

 *सुकलेल्या मेथीचे पराठे पौष्टीक विकासाचे*या सोबत शेंगदाणे चटणी , लोणचे , टोमॅटो सॉस खायला घ्या .

    मला आशा आहे की हे तुम्हीही करून पाहणार आहातच .

माझे टाकाऊतून टिकाऊ पौष्टीक पदार्थ :- १) पोळी विकासाची भाकरी .

   २) साबुदाणा रताळीचा विकासी पराठा 

   ३) *सुकलेल्या मेथीचे पराठे पौष्टीक विकासाचे*

हे पदार्थ lockdown मध्ये करायला काहीच अवघड नाही .

आदर्श गृहिणींना हे सर्व माहिती आहेच .

हे मी तुम्हाला सांगतोय Lockdown मधले आदर्श पुरुषांना होय तुम्हालाच .

 पुन्हा एकदा आदर्श गृहिणींना आणि आदर्श पुरुषांना मानाचा सलाम .

मी आता घेतो या रेसिपी मध्ये पुर्ण विराम .

   आणि पुन्हा एकदा शेवटी अगदी खरं सांगतो .

"अरे याला कोणी तरी चांगले शिकवा रे !"

 कसा होईल याचा विकास !?!