साबुदाणा रताळीचा विकासी पराठा

 

*साबुदाणा रताळीचा विकासी पराठा* 

सुगरण गृहिणी ना आदरपूर्वक नमस्कार . 🙏🏻🙏🏻🙏🏻

परवा महाशिवरात्र , काल शुक्रवार उपवासाचा आणि आजही अमावस्या उपवासाची .

 उपवास म्हणजे साबुदाणा खिचडी , भगर , उपवास भाजणी , बटाटे , रताळी आणि भरपुर फळं हे समीकरण जनू ठरलेलंच असतं .

 " फक्त नावानं उपवास !

पोटभर खाल्लं झक्कास !!

उपाशी राहण्याचा आहे त्रास !

असं केल्यानं कसा होईल शारीरिक तब्येतीचा विकास !! "

 हे असा आहे आमचा उपवास म्हणजे एवढं मोठं भिजवायचं आणि करायचं .

बरं खायला करायला कसला हा त्रास . एवढं तर करावच लागतं आणि उपवासाच्या दिवशी हा अंदाज हमखास चुकतो .

मग उरलेल्या भिजवलेल्याचं काय बरं करावं ? हा मोठा प्रश्नच पडतो .

उपवास उपवासाचं खाऊन कंटाळा येतो . हं एक दिवस खूप छान वाटतं , पण नेहमी साठी नाही हं ! 

   उपवासाचे पदार्थ जेवणात वापरावे कसें ?

म्हणुनच तर हा '" साबुदाणा रताळीचा विकासी पराठा "' .

  

 *साबुदाणा रताळीचा विकासी पराठा* 

 

साहित्य :- साबुदाणा - १वाटी

            रताळ्याचा किस -२वाटी 

          शेंगदाण्याचा कुट - २-३चमचे 

        बेसन पीठ -१/२आर्धी वाटी 

   गव्हाची कणीक -३वाट्या/ ( कणीक मळूस्तर )

मिरची आणि आद्रक पेस्ट - मीठ - जिरं - ओवा - चवीनुसार

 कृती :- प्रथम भिजवलेला साबुदाणा , रताळीचा किस , शेंगदाण्याचा कुट , बेसन घालून ते मिश्रण मळून घ्या .

   नंतर त्यात मीठ , जिरं , ओवा आणि मिरची - आद्रक पेस्ट घालून पुन्हा एकदा मळून घ्या .

  आता यात कणीक पीठ मळून तिंबवुन घ्या .

* टिप * :- साबुदाणा रताळीचा किस हा आधीच ओला असल्याने त्यात कणीकेसाठी पाणी घालू नये .

तिंबवलेल्या कणीकीचे पराठे लाटून तव्यावर थोडे तेल / तुप घालून भाजून घ्या .

आता आपला "साबुदाणा रताळीचा विकासी पराठा " तयार झाला .

"साबुदाणा रताळीचा विकासी पराठा" सोबत शेंगदाण्याची चटणी किंवा टोमॅटो सॉस किंवा आंब्याचं / लिंबाचं लोणचं खा .

 

    "' झालं नं मस्त !

   मग करून टाका फस्त !!

 करुयात पदार्थ झक्कास !

काळजी नको तुमच्या सोबत आहे हा विकास !! "'

मला खात्री आहे की , तुम्हीही ही रेसिपी करणार आहातच .

कारण तुम्ही त्याची " *पोळी विकासाची भाकरी* 

https://vikaslohagaonkar.blogspot.com/2021/03/blog-post_8.html

" ही रेसिपी केली आहे . अशी माझी आशा आहे .

बरं पुन्हा भेटू त्याच्या हातच्या नव्या रेसिपीज मध्ये .

तोपर्यंत सुगरण गृहिणी ना आदरपूर्वक नमस्कार . 

पुन्हा एकदा शेवटी अगदी खरं सांगतो .

"अरे याला कोणी तरी चांगले शिकवा रे!"

 कसा होईल याचा विकास !?!